Yarımfabrikat yaratmaq üçün, Menyu → Yarımfabrikat bölməsinə daxil olub, Yarat düyməsini klikləyirik.
Açılan səhifədə yarımfabrikatı yaratmaq üçün, məlumatları qeyd etmək lazımdır.
Ad - Yarımfabrikatın adını qeyd edirsiniz.
Mühasibatlıq kateqoriyası - mühasibatlıq kateqoriyası yaratmısınızsa, həmin kateqoriyanı qeyd edə bilərsiniz.
Kateqoriya - kateqoriya yaratmısınızsa, həmin kateqoriyanı qeyd edə bilərsiniz. (Misal üçün "Toplu hazırlamalar" kateqoriyası.)
Ümumi çıxış - Yaradılan yarımfabrikatdan son nəticədə nə qədər miqdarda və ya porsiyada əldə edilirsə, onu qeyd edirik (əd, kg, lt).
Yaratdığımız məhsulun vahidini ilk növbədə təyin etməliyik. Bunun üçün tex.kartalar tərkibində porsla yoxsa çəki ilə satışının olmasını bilməliyik. Əgər yaradılan yarımfabrikat tərkibi tex.kartaya çəki ilə qoyulacaqsa, bu zaman ümumi çıxışa vahid olaraq kg, porsiya ilə qoyulacaqsa ədəd qeyd edilməlidir. Misal üçün, ümumi çıxışa 1 kq yazsaq, həmin miqdar Pizza xəmirinin tərkibinə hansı inqrediyentlərin gedəcəyini və o inqrediyentlərdən nə qədər istifadə olunacağını qeyd edirik.
Açıqlama - bu hissəyə istəyə uyğun olaraq məhsulun hazırlanma texnologiyasını özünüz üçün qeyd edə bilərsiniz.
Silinmə üsulu - 2 növ silinmə üsulu var.
1.Tərkibdən sil
2.Hazır məhsuldan sil
Tərkibdən sil - seçildikdə, satış getdikcə, qeyd olunan tərkiblər anbardan azalmağa başlayacaq.
Hazır məhsuldan sil - seçildikdə, satış getdikcə qeyd olunan tərkibdən deyil, yarımfabrikat yaradılan zaman özü anbardan azalmağa doğru gedəcək.
İnqredientləri tərkibə tək-tək və ya toplu şəkildə daxil etmək olar.
Əlavə et düyməsini klikləyərək yeni xanalar əlavə edib tək-tək yaza bilərsiz.
Toplu seçim vasitəsi ilə isə inqrediyentləri toplu seçə bilərik.
qeyd: toplu seçim zamanı sistemdə olmayan yeni inqredienti yaradıb tərkibə qoya bilərsinizCəm hissəsində bu yarımfabrikatın maya dəyərini görə bilərik.
Məlumatları qeyd etdikdən sonra Saxla düyməsini klikləyirik.
Yarımfabrikatlarınızı axtarmaq üçün, buradakı filterlərdən istifadə edə bilərsiniz.
Yarımfabrikatın üzərinə klikləyəndə 1 vahid üçün (ədəd, kq, qr, l, m) nəzərdə tutulmuş miqdarı görəcəksiniz. Misal üçün, siz yarımfabrikatı yaradarkən, 5 kq pizza xəmirinə görə tərkib yazsanız belə, bu hissədə 1 kq pizza xəmirinə uyğun sistem tərəfindən hesablanmış tərkibi görəcəksiniz.
İstifadədə düyməsinə kliklədiyiniz zaman, hansı tex.kartaların tərkibində bu yarımfabrikatdan nə qədər istifadə olunur görə bilərsiniz.
