Qonaqların biznesə bağlılığını artırmaq və daimi müştərilərə minnətdarlıq göstərmək etmək üçün loyallıq proqramları ideal seçimdir deyə bilərik.

Bu proqramlar sayəsində bizneslər müştərilərinə müəyyən hədiyyələr (keşbek, bonus, endirim) təklif edir. Beləliklə, həm müştəri məmnuniyyəti və satışları artıra, həm də müştəri bazasını genişlədə bilir. Qısası, loyallıq proqramları həm müştərilər, həm də biznesləri qazandırır.

Əgər siz də bu üstünlüklərdən faydalanmaq istəyirsinizsə, Clopos POS Restoran İdarəetmə sistemindən loyallıq proqramını aktivləşdirə bilərsiniz.

Funksionallığı aktivləşdirmək bir neçə saniyənizi alacaq. Sadəcə olaraq:

Bu qədər! Əgər “Status” düyməsi mavidirsə, deməli, funksiya artıq aktivləşib.

Loyallıq proqramının 3 növündən birini seçə bilərsiniz:

Loyallıq proqramlarından ən məşhur olanı – keşbek proqramı, müştərilərə ödənişlərinin bir qismini geri qaytararaq keşbek balanslarında toplayır. Bizneslər müştərilərə keşbek təklif etməklə təkrar alış ehtimalını artıra və müştəriləri daha çox xərcləməyə təşviq edə bilərlər.

Əgər loyallıq növü kimi keşbeki seçmisinizsə, ilk olaraq keşbek faizinə (yəni, müştəri ödənişlərinin neçə faizini onlara geri qaytarmaq istədiyinizə) qərar verməlisiniz. Bildiyiniz kimi, faiz 1 və 100 arası tam ədədlər arasından seçilməlidir, amma keşbek məbləği kimi 5%-dən yuxarı məsləhət görülmür.

Məlumdur ki, faiz artdıqca müştərinin qazanacağı məbləğ də artır. Məsələn, 50% keşbek müştərilərə ödənişlərin tən yarısını, 100% isə hamısını geri qaytarmaq deməkdir. Yəqin ki, bu qədər böyük məbləği geri qaytarmaq istəməzsiniz. Buna görə də faiz dərəcəsini seçərkən diqqətli olmağınızı xahiş edirik.

Qeyd etdiyimiz kimi, keşbek yalnız loyal müştərilər üçün nəzərdə tutulub. Buna görə də keşbek qazanmaq istəyən müştərilər mütləq şəkildə QR menyuda qeydiyyatdan keçmiş olmalıdır.

QR menyuda bir dəfə qeydiyyatdan keçmiş müştərilər növbəti bütün alış-verişləri zamanı keşbek qazan bilir və keşbeklər avtomatik olaraq hesablanaraq müştəri profillərinə əlavə olunur.

Qazanılan keşbeklər (bonus/endirimlər) müştərilərin keşbek/bonus/endirim balanslarında toplanır. Müştərilərin bu balansdan istifadə edə bilməsi üçün ödəmə üsulu olaraq həmin balansları aktivləşdirməyiniz lazımdır. Bunun üçün:

Bu halda artıq müştərilər loyallıq balanslarından ödəniş edə biləcəklər. Nəzərinizdə olsun ki, keşbeklə ödənişin reallaşması üçün POS terminal onlayn olmalıdır.

Əgər loyallıq statusunu deaktiv etmək qərarına gəlsəniz, nəzərinizdə olsun ki, loyallıq balansı avtomatik olaraq deaktivləşmir. Yəni, loyallıq proqramını ləğv etsəniz belə, müştərilər loyallıq balanslarından yararlanmağa davam edə bilir. Əgər bu funksiyanı ləğv etmək istəsəniz, yuxarıdakı qaydada ödəmə üsulları arasından loyallıq balanslarını deaktivləşdirməyiniz yetərlidir.

1 müştərinin gündəlik olaraq qazana və xərcləyə biləcəyi keşbek məbləğini limitləmək də mümkündür. Əgər limit qoymaq istəmirsiniz, yəni müştərilərin istədikləri qədər keşbek qazanması və xərcləməsini istəyirsinizsə, sadəcə “Olmasın” seçimini edin. Əgər istəsəniz, “Təyin edin” düyməsi ilə çek sayı və çek məbləğinə əsasən limit müəyyənləşdirə bilərsiniz.

Qeyd edək ki, bu limitləri istənilən vaxt, ürəyiniz istəyən qədər artırıb-azalda bilərsiniz.

Hansı satış və ödəmə üsullarının loyallıq proqramına daxil olacağını özünüz təyin edə bilərsiniz. Əgər bütün satış və ödəmə üsullarını daxil etmək istəsəniz, “Bütün satış və ödəmələr” düyməsini seçməyiniz kifayətdir.

Yox, əgər özəlləşdirmək istəsəniz, “Müəyyən satış və ödəmələr”i seçin. Bu zaman düymənin aşağısında sistemə əlavə etdiyiniz bütün satış üsullarının siyahısını görəcəksiniz. Hər satış üsuluna kliklədikcə, hansı ödəmə üsullarının proqrama uyğun olacağını da seçə biləcəksiniz.

İstəsəniz, çatdırılma üçün yalnız kart ödənişlərini, yerində satışlar üçün isə bütün ödənişləri seçmək kimi fərqli seçimlər də edə bilərsiniz.

Loyallıq proqramını aktivləşdirdiyiniz an bütün məhsul və kateqoriyalar keşbek (bonus/endirim) qazandırmağa başlayır. Amma istəsəniz, bəzilərini proqramdan çıxara, yəni istisna edə bilərsiniz.

Bundan əlavə, bir kateqoriya daxilindəki xüsusi məhsulları (məsələn, içkilərin içindən sadəcə su və ya çayı) da istisna etmək istəyə bilərsiniz. Bunun üçün kateqoriyanı seçməyib, əvəzində sadəcə "İstisna məhsullar" bölməsindən istədiyiniz məhsul adını seçməyiniz kifayətdir.

Əgər keşbek (bonus/endirim) qazandırması üçün sadəcə bir neçə məhsul və ya kateqoriyanı seçmək istəsəniz, sigər bütün seçimləri bir-bir istisna etməyinizə ehtiyac yoxdur. Sadəcə olaraq əvvəlcə "Hamısını seç"ə klikləyin, bu zaman bütün məhsul və ya kateqoriyalar proqramdan istisna edilmiş olacaq.

Daha sonra "Seçilmiş kateoqriyalar" və ya "Seçilmiş məhsullar" düyməsini seçərək açılan pəncərədən keşbek (bonus/endirim) qazandırmağını istədiyiniz məhsul və ya kateqoriyaları tapıb, ləğv edin.

Beləliklə, cəmi bir neçə məhsulu sürətlə proqrama daxil etmiş olacaqsınız.

Müştərilərinizi loyallıq proqramınız barədə məlumatlandırmaq üçün “Proqramın təsviri” qutusundan yararlana bilərsiniz. Bura qeyd edəcəyiniz hər şey hamı tərəfindən görünür. Bu isə proqramın hansı şərtlərlə və nə qazandırdığını, qazanılanların necə xərclənilə biləcəyini və s. yazaraq müştəriləri proqrama cəlb etmək üçün əla fürsətdir.

Ümid edirik, loyallıq proqramımız müştərilərinizlə əlaqələri gücləndirərək satışları artırmağınıza kömək olacaq.