Günümüzün rəqabətli biznes dünyasında hər saniyə önəmlidir. Müştəri məmnuniyyətini artırmaq üçün əməliyyatların sürətli aparılmasını təmin etmək çox vacibdir. Müəssisələrin sürətinə sürət qatan üsullardan biri isə POS klaviatura qısayollarından istifadə etməkdir.

⌨️ Gəlin Clopos restoran idarəetmə sistemində olan qısayolları birlikdə nəzərdən keçirək.

F1 düyməsi xüsusən müştəri sayının çox olduğu günlərdə işinizi asanlaşdıracaq. Bu düymə, “Takeaway” satış üsulunda sürətlə qəbz yaradır. İstər sürətli nahar, istərsə də yolda qəlyanaltı olsun, F1 əməkdaşlarınıza müştərilərin gözləmə vaxtlarını minimuma endirərək sifarişləri asanlıqla yerinə yetirməyə imkan verir.

Bu düymə isə xüsusən çatdırılma xidməti təklif edən müəssisələrə rahatlıq qazandırır. Belə ki, POS sistemdə F2 düyməsi seçilərsə, çatdırılma satış üsulunda səmərəli şəkildə qəbz yaradılmış olur. Bu sürətli qısa yol onlayn və ya telefon sifarişlərinin sürətlə idarə edilməsinə kömək edir.

Artıq demək olar bütün müəssisələr həm nağd, həm də kartla ödənişləri qəbul edir. Müxtəlif ödəniş üsulları ilə işləmək isə F9 ilə daha da sadədir. Belə ki, F9 düyməsi ödəniş səhifəsində kart və nağd ödəniş üsulları arasında tez və asan keçid təmin edir.

Müştərilər hesablarını ödəməyə hazır olduqda, F11 işə düşür və dərhal ön çek çap edir. Beləliklə, ödəniş prosesi sürətlənir və müştərilər tezliklə sifarişlərini nəzərdən keçirərək ödəniş edir.

F12 isə digər qısa yollardan fərqli olaraq iki məqsədə birdən xidmət edir. Belə ki, əgər fərqli səhifədəsinizsə F12 düyməsini seçərək birbaşa ön çek səhifəsinə keçirsiniz. Əgər artıq ön çek səhifəsindəsinizsə, F12 düyməsindən istifadə edərək açıq çeki bağlaya bilirsiniz.

Əməliyyat səmərəliliyini artırmaq istəyən bizneslər üçün klaviatura qısayolları sadə, lakin effektiv strategiyadır. İşçilər onları gündəlik iş rejimlərinə daxil edərək POS sistemini daha sürətlə idarə edə, nəticədə müştəri məmnuniyyətini də yüksəldə bilər.