Barkod tətbiqi aktiv edilməsi və istifadə qaydası

Barkodların çap edilə bilməsi üçün qeyd edilən tətbiq aktiv edilməlidir. Tətbiqi aktiv etmək üçün Arxa panel → Tətbiqlər → Hamısı bölməsinə daxil olub, Barkod generatoru tətbiqini seçərək qoşulun. Bu tətbiq üçün aylıq ödəniş tələb olunmur. Tətbiqə qoşulduqdan sonra Tətbiqlər bölməsinə əlavə ediləcək.

Barkodu çap etməzdən əvvəl, onun hansı formada və dizaynda olacağını təyin etmək vacibdir. Bu, həm oxunaqlılığı artırır, həm də müəssisənin ümumi vizual üslubuna uyğunlaşmanı təmin edir. Barkodun şriftini, ölçüsünü və dizaynını şəxsi zövqə və tələblərə uyğun olaraq bu səhifədən tənzimləyə bilərsiniz.

Bütün parametrləri tənzimlədikdən sonra "Saxla" düyməsini klikləyin ki, etdiyiniz dəyişikliklər yadda qalsın. "Test çapı" düyməsinə klikləyərək seçdiyiniz dizayn üzrə barkodun nümunə çapını həyata keçirə bilərsiniz. Bu sizə, sonuncu versiyanın necə görünəcəyini fiziki olaraq yoxlamaq imkanı verir.

Məhsulların barkodunu çap etmək üçün əvvəlcə Menyu → Məhsullar bölməsinə daxil olun. Daha sonra Toplu seçim vasitəsi ilə bir neçə məhsul seçin. Seçimlərinizi etdikdən sonra ekranın yuxarı sağ hissəsində yerləşən Barkodları çap et düyməsini klik edin. Bu addımlar ilə məhsulların barkodlarını asanlıqla çap edə bilərsiniz.

Sağ tərəfdən bu şəkildə bir pəncərə açılacaqdır. Pəncərədə məhsulların adı və barkodu göstəriləcək. Say bölməsində isə həmin barkoddan neçə ədəd çap etmək istədiyinizə görə sayı daxil edə bilərsiniz. Sonra yuxarıdakı Print etmək düyməsinə klik edərək, sizi Print səhifəsinə yönləndirəcəkdir.

Bu şəkildə bir pəncərə açılacaq və Barkodlarınızın ilkin nümunəsini görəcəksiniz. Yuxarı sağda yerləşən Print düyməsinə klik edərək, Barkodlarınızı çap etmə prosesini tamamlayırsınız. Bu addımla çap prosesi başa çatmış olur və məhsullarınızın barkodları çap edilir.