Bunun üçün Satış Terminalında üst menyudan "3 xətt" → "Hesabat yarat" buttonuna daxil oluruq. (qeyd: bunun üçün arxa paneldən icazələr bölümündə buna müvafiq icazəniz olmalıdır)
Açılan pəncərədə müvafiq xanalardakı bəndləri istəyə uyğun olaraq seçib hesabat çıxara bilərsiniz.
Qırmızı rəng ilə işarələnmiş hissədə avtomatik olaraq sistem üzərində qeyd edilmiş işin başlanğıc saatı və tarix aralığı qeyd edilmiş olur. İstəyə uyğun olaraq tarix və saat intervalını dəyişə bilərsiniz.
Yaşıl rəng ilə işarələnmiş hissədə Terminallara uyğun hesabat çıxarılır. Satışlar hansı terminalda edilibsə o terminalın hesabatına aid ediləcək. Misal üçün, "Terminal 1" seçildikdə, "Terminal 1" üzrə açılmış bütün çeklərin hesabatı gələcək.
Göy rəng ilə işarələnmiş hissədə hesabat növünü seçə bilərsiniz. Seçdiyiniz tarix aralığında burada seçdiyiniz hesabat növü üzrə satışları görəcəksiniz.
Narıncı rəng ilə işarələnmiş hissədə iki funksiya var. Əməliyyatlar və Hesablar. Əməliyyatlar aktiv edildikdə, arxa paneldə və ya terminalda əlavə edilmiş maliyyə əməliyyatlarını hesabatda görəcəksiniz. Hesablar aktiv edildikdə isə yalnız, kassa maliyyə hesabını görəcəksiniz.
Sizə lazım olan funksiyaları aktiv etdikdən sonra, aşağıda qeyd olunan "Hesabat yarat" buttonuna klikləməlisiniz.
Hesabatı printerdən də çap etmək mümkündür. Bunun üçün yuxarı sağ tərəfdə olan "Çap et" düyməsini klikləməlisiniz.
