Kateqoriya bölməsi məhsulları, inqredientləri qruplaşdırmaq üçün istifadə olunan bir funksiyadır. Kateqoriyalara daxil olmaq və kateqoriya yaratmaq üçün Arxa panel → Menyu → Kateqoriyalar bölməsinə daxil olub +Yarat buttonunu klikləyirik.

Burada yaradacağınız kateqoriyanın adını qeyd edirsiniz. Kateqoriya buttonuna rəng təyin edə və ya şəkil əlavə edə bilərsiniz. Qeyri Aktiv bölümü aktiv olduğu halda satış terminalında həmin bölməni görünməz etmiş olursunuz .

Üst kateqoriya bölməsində hər hansı bir kateqoriyanı seçdiyimiz zaman, yaratdığımız kateqoriya onun içərisində yaradılmış olacaq. Yəni, alt kateqoriyası olacaq. Üst kateqoriya seçmədiyimiz zaman isə, yaratdığımız kateqoriya özü müstəsna kateqoriya kimi yaradılmış olacaq.

Üst menyuda Tərcümə bölməsində, kateqoriya adının e-menuda necə yazılacağını müəyyənləşdirə bilərik. Müxtəlif dillərdə kateqoriya adını yazmaq mümkündür.

Kateqoriyanı həmçinin inqredientlər üçündə yaratmaq olar. Kateqoriya bölməsinin menyu filterində inqredient kateqoriyası və mühasibat kateqoriyası bölməsinə keçid edə bilərik.

Mühasibat kateqoriyaları bir neçə tipdə olan məhsulları eyni kateqoriayada birləşdirən bir funksiyadır. Yarımfabrikat, məhsul, inqredient tipində yaradılmış elementləri bir kateqoriyada üzrə qruplaşdıra bilərsiniz.