Ad- Bu xanaya yaradılacaq olan tex kartanın adı yazılır.

Barkod- Bu xanaya tex kartanın barkodu yazılır. Barkod hər bir məhsul üçün özəl olur və təkrarlana bilməz. Satış terminalına barkod oxuyucu qoşaraq məhsullarınızı barkodla da sata bilərsiniz.

Kateqoriya- Tex kartanın hansı kateqoriyada görünməsini istəyirsinizsə və ya aid edirsinizsə bu xanada daha əvvəldən yaratdığınız Kateqoriyanı seçin.

Şöbə- Bu xanada tex kartanın təqdim edəcək Şöbəni seçirik. Şöbələr də daha əvvəldən yaradılır, qruplaşdırılır.

Şəkil- Məhsulun şəklini yerləşdirmək üçün bu xanadan istifadə edin. Şəkillərin ölçüsünün 16x9 nisbətində və maksimum keyfiyyətli olmasına çalışın.

Qiymət- Filiallarınız yoxdursa və ya filial arasında qiymət fərqi yoxdursa o zaman məhsulun satış qiymətini bu xanaya yazmalısınız.Əgər filiallara görə qiymət tərtib ediləcəksə, bu halda qiymət cədvəlindən istifadə edilməlidir.

Mühasibatlıq kateqoriyası - Bu xanada yaratdığınız tex karta mühasibatlıq uçotu üzrə təyin edilmiş kateqoriya və ya kod əlavə edə bilərsiniz.

Maksimum qaytarılma günü - Maksimum qaytarılma gününü təyin etmək vacib amillərdəndir. Əgər siz tez xarab olan məhsul istehsal edib satırsınızsa və bu məhsul günlər, həftələr sonra sizə geri qaytarıla bilməz. Bu zaman siz həmin məhsulu yaradarkən mütləq Maksimum qaytarılma gününü müvafiq rəqəmdə göstərməlisiniz ki, satışdan göstərdiyiniz gün qədər keçdikdən sonra əməkdaşlarınız o məhsulu geri qaytarılma əməliyyatı edərək qaytara bilməsinlər.

Bişirilmə vaxtı - Məhsulun bişirilmə vaxtı mətbəx personalı tərəfindən qeyd edildikdən sonra bu məlumat həm mətbəx ekranında, həm də müştərilərə təqdim olunan QR menyuda əks olunur. Əgər qeyd edilən vaxt aşılırsa, məhsul mətbəx ekranında "Gecikir" adlı xüsusi sütuna əlavə olunur. Bu funksiya, həm mətbəx əməliyyatlarının effektiv idarə olunmasına, həm də məhsulun vaxtında hazırlanmasını təmin etməyə kömək edir.

Açıqlama -Bu bölmədə qeyd edilən mətn heç bir yerdə görünmür və yalnız daxili istifadə üçün nəzərdə tutulub. Burada edilən dəyişikliklər zamanı siz, hər hansı funksiyanı aktiv və ya deaktiv etdikdə, bunun səbəbini və məqsədini izah edə bilərsiniz. Bu yanaşma, sistemdə aparılan dəyişikliklərin izahatını saxlamağa və gələcəkdə baş verən hər hansı anlaşılmazlığın qarşısını almağa kömək edir.

Vergilər - Məhsulun satışı zamanı hansı vergi növünün tətbiq edilməsini bu xanada işarələyirik. Vergi dərəcələri barədə ayrıca bənddə məlumat verilmişdir.

Alergiyalar - Bu funksiya, məhsulların tərkibində allergiya yarada biləcək inqrediyentləri göstərmək üçündür. Məsələn, əgər bir salatın içində yumurta varsa, bu məlumat QR Menyuda qeyd olunur. Müştərilər filterdən istifadə edərək, allergiyası olan inqrediyentlərə malik məhsulları asanlıqla görə bilər və onları seçməməyə qərar verə bilər. Bu, müştərilərə daha rahat və təhlükəsiz seçim etməyə imkan yaradır.

Diyetlər - Bu etiket, diyetdə olan məhsulları göstərmək üçün istifadə olunur. Məsələn, veganlar, vegetarianlar və ya yalnız halal məhsulları seçən müştərilər bu etiket sayəsində özlərinə uyğun məhsulları daha asan tapa bilərlər. Bu, müştərilərin seçim prosesini rahatlaşdırır və fərdi ehtiyaclarına uyğun seçim etməyə kömək edir.

Qeyri aktiv - Məhsulu aktiv etdikdə həmin məhsul satış terminalında əlçatan olacaqdır. Əks halda məhsulu yalnız arxa paneldə görmək mümkün olacaq.

Xidmət haqqı hesablanmasın - Bəzi məhsulların satışı zamanı, xidmət haqqının hesablanmasını istəmirsinizsə, bu halda müvafiq xananı işarələməlisiniz.

İkram - İkram xanasını işarələdikdə həmin məhsulu əməkdaşlarınız həm sata həm də hədiyyə olaraq verə bilərlər. Satış terminalında müvafiq məhsul əlavə edildikdən sonra məhsulun üzərinə vurduqda açılan pəncərə məhsulun İkram edilməsini işarələməklə qiymətini 0-a çevirmək imkanı vardır.

Pors - Bu seçim adətən hazırlanan yeməklərə aiddir. Əgər məhsul 1 porsiyadan az və ya çox sifariş edilərsə, bu funksiya sayəsində , anbardan çıxış miqdarı düzgün hesablanır, satış qiyməti seçilən porsiyaya uyğun olaraq avtomatik dəyişir. Məhsulda porsiya funksiyasından istifadə etmək üçün bu seçim mütləq aktiv edilməlidir.

Set - Bu seçim aktiv edildikdə, QR Menyuda həmin məhsul üçün xüsusi bir etiket yaranır. Bu etiket, məhsulun set olaraq təqdim edildiyini göstərir və müştərilərin seçim prosesini asanlaşdırır. Beləliklə, istifadəçilər məhsulun digər məhsullarla birlikdə təqdim olunan bir set olduğunu asanlıqla anlayırlar.

Endirimi qadağan et - Bəzi məhsulları maya dəyərindən cüzi fərqlə satış edirsiniz və həmin məhsulun qətiyyən endirimlə satılmasına icazə vermirsiniz. Bu zaman müvafiq xananı işarələməlisiniz. Bu funksiyanı aktiv etdikdən sonra, əgər bu məhsul çekə əlavə edilərsə, məhsulun adının qarşısında * (ulduz) işarəsi görəcəksiniz.

Çəki ilə satılır - Bu xananı işarələməklə həmin məhsulun çəki ilə satıldığını bildirirsiniz. Bu halda həmin məhsulu satış terminalında satmaq istədikdə sistem onun çəkisini soruşur. Çəki yazıldıqdan sonra isə qiyməti hesablayaraq ekrana çıxarır.

Filiala görə - Siz məhsulları yaradarkən hər filiala görə terminalda və emenuda aktiv və qeyr-aktiv edə bilərsiniz. Bu zaman müvafiq xananı işarələməlisiniz.