Kassanın Açılış Saatı Nədir?
Kassanın açılış saatı – Clopos POS sistemində hər yeni satış gününün başladığı vaxt olaraq müəyyən edilir. Bu saat sistemə bir dəfə təyin edildikdən sonra, həmin gündən etibarən satış əməliyyatları, hesabatlar və digər avtomatlaşdırılmış funksiyalar məhz bu saat üzərindən idarə olunur.
Kassa açılış saatının dəyişdirilməsi:
Kassa açılış saatının dəyişdirilməsi üçün Clopos arxa panelinə daxil olub, “Tənzimləmələr – Ümumi” hisssəsinə keçid edirik. Bu səhifədə “Kassanın açılışı” hissəsindən açılış saatını dəyişə bilərik.
💡 Tövsiyə: Əgər obyekt gecə saat 2-də bağlanırsa, satışların hansı günə aid olduğunu düzgün göstərmək üçün kassa açılış saatını 06:00 kimi qeyd etmək tövsiyə olunur. Bu yanaşma ilə gecə saatlarında baş verən satışlar hələki əvvəlki günün satışlarına aid edilir və səhər saatlarından etibarən yeni günün satışlarına başlanılır.Əgər kassa 24 saat fəaliyyət göstərirsə, açılış saatı üçün ən məqsədəuyğun vaxt, gün ərzində ən az satışın baş verdiyi saat kimi seçilə bilər.
Əsas Təsir Sahələri:
Satışların Günə Bölünməsi
Açılış saatı, satışların hansı günə aid olduğunu müəyyənləşdirir. Məsələn, əgər kassanın açılış saatı 06:00-dırsa, bu saatdan sonra baş verən bütün əməliyyatlar həmin günə aid edilir. Bu mexanizm, xüsusilə gecə işləyən obyektlərdə, məsələn restoranlar, supermarketlər, apteklər və digər müəssisələrdə, satışların düzgün şəkildə bölünməsini təmin edir. Hətta saat 00:00-ni keçsə də, satışlar 06:00-a qədər əvvəlki günə hesablanır.Gündəlik Maliyyə Hesabatları (Z-Hesabatı)
Clopos POS sistemində gündəlik maliyyə yekunları Z-hesabatı vasitəsilə çıxarılır. Kassanın açılış saatı bu hesabatın başlanğıc və bitiş zamanını müəyyən edir. Əgər bu saat düzgün təyin edilməzsə, hesabatlarda satışlar səhv tarixə yazıla bilər, bu da maliyyə analizində səhvlərə səbəb ola bilər.İnventar və Stok İdarəetməsi
İnventar → Ehtiyatlar bölməsində məhsulun üzərinə klik edib tarixçə bölməsinə baxmaq olar. Tarixçə hissəsində məhsulların günlər üzrə anbarda başlanğıc miqdarı göstərilir. Məsələn, Cola (0.33) məhsulunun tarixçəsinə nəzər salsaq, Sentyabr ayının 5-12 tarixləri arasında məhsulun anbarda hansı miqdarda olduğunu görə bilərik. Bu məhsul üzrə satış və tədarük olmadığı üçün anbarda qalıq miqdar dəyişməz olaraq "-2" ədəd olaraq göstərilir.
Maliyyə → Hesablar Bölməsi
Maliyyə → Hesablar bölməsində hesabın üzərinə klik edərək, tarixçə bölməsinə baxa bilərsiniz. Tarixçə hissəsində hesabın günlər üzrə maliyyə müstəvisində başlanğıc məbləği göstərilir. Məsələn, Kassa tarixçəsinə nəzər salsaq, İyul ayında kassanın 06:00 saatında hesabatında olan məbləği görə bilərik.
Əlavə sualınız və ya köməyə ehtiyacınız olarsa, bizimlə əlaqəyə keçin: